კონფერენცია მიზნად ისახავს ქართველი აუდიტორიის წინაშე წარადგინოს ჰენლი და პარტნიორები, წამყვანი საერთაშორისო საკონსულტაციო ფირმა საინვესტიციო ბინადრობისა და მოქალაქეობის საკითხებზე. 25 წლიანი გამოცდილებით და 45 ფილიალით მსოფლიოს გარშემო, ჰენლი ყველაზე მსხვილი და პრესტიჟული ფირმაა ამ სფეროში. ყოველწლიურად, კომპანია ასობით შეძლებულ ადამიანს ეხმარება მოიპოვოს სასურველი ბინადრობა ან/და მოქალაქეობა შესაბამის ქვეყანაში ინვესტირების გზით.

დამსწრე საზოგადოებას საშუალება ექნება მიიღოს ინფორმაცია კომპანიისა და მისი სერვისების შესახებ. აგრეთვე, მომხსენებლები მიმოიხილავენ სხვადასხვა ქვეყნის საინვესტიციო საიმიგრაციო პროგრამებს, მათ უპირატესობებს, მოთხოვნებს, პროცედურებსა და სხვა თავისებურებებს.

ვინაიდან ესპანეთის საინვეტიციო საიმიგრაციო პროგრამა გამორჩეულად ეფექტური და პოპულარულია, მას განსაკუთრებული ყურადღება დაეთმობა. საქართველოს მსგავსად, ესპანეთშიც, ბინადრობის მოპოვება ასევე შესაძლებელია უძრავ ქონებაში ინვესტირების გზით. აღნიშნულის გათვალისწინებით, კონფერენციაზე მოწვეულია უძრავი ქონების პრესტიჟული ესპანური კომპანია ბენროქ კაპიტალი, რომლის წარმომადგენელი მიმოიხილავს უძრავი ქონების ბაზარს ესპანეთში და გააცნობს აუდიტორიას საინვესტიციო შესაძლებლობებს.